數據人生：秘密行動谷戰攞A

魑魅魍魉

　　周日十場賽事移師跑馬地上演，雖然場面不及沙田墟冚，但相信會受到部分馬迷歡迎，事關交通較方便之餘，散場後找食肆醫肚亦容易得多。根據馬會資料顯示，今季總共編排三次谷草日賽，不如就趁空檔，先研究一下此類賽日有何特色。

　　最近一次舉行跑馬地日賽時（上年十一月一日），當日十場賽事中，本地倉合共交出七場頭馬， 其中以告達理憑「世世無敵」及「秘密行動」包辦頭尾胡起孖最威；相反，一眾前列練馬師如蔡約翰、告東尼及大摩均冇頭馬進帳，而外籍倉口亦只得胡、方及苗廐贏馬，看來谷草日賽跟慣常的周三夜馬一樣，以本地倉成績較突出。至於當日外籍騎師表現同樣麻麻，除潘頓起孖外，便只得白德民交出一W，至於其餘七場中，頭馬便分別由蘇狄雄、楊明綸、梁明偉及湯智傑包辦，而楊明綸更四喜臨門哩！

　　此外，正如昨文提及，告達理最近養馬量大增，計落值得多加留意，周日此廐有七駒列為正選，其中「世世無敵」及「秘密行動」又再部署齊齊上陣，但前駒列為後備，今日不妨分析「秘密行動」於一班1800米的爭勝機會。翻查紀錄，此駒於谷草曾三勝頭馬，其中兩場均於A跑道取得，可見路有專長，雖然兩戰1800米全輸，但每仗均所負不遠跑第五，看來並非不合發揮，同場多名氣馬擔飛，估計臨場必有分頭，不妨WP捧場。

歐陽志恆