賠率有路捉：莎朗之寶唔係講笑

魑魅魍魉

　頭場五班賽，全場馬只有隻「大情大勝」揀得上手，但不幸抽十一檔，攪到唔知點入手，但睇噚日早飛大熱門居然係排「大情大勝」外側十二檔嘅「莎朗之寶」，噚日四點獨贏只得44蚊，16蚊位置。呢隻馬檔差唔在講，今季跑四場，兩場尾二，一場尾三，鞍上人亦只係梁家偉，何德何能買到大熱門呀﹖好明顯係一啲有識之仕買落去，應該信得過。

    　第六場「哈哈大少」家陣評61分好尷尬，唔知會唔會等降班，但睇早飛，P成為18蚊大熱，加上Ｗ91蚊亦好硬淨，似乎幕後會博你唔信喺三班郁手。其實今場突然起用王志偉已經有晒手影，皆因今季隻馬爆35倍W正係由佢經手。睇飛睇配搭今日似出擊，千祈咪以為落四班至買。

　    騎師王方面，韋達得十三蚊買唔落手，寧願小注搏有「皆大歡喜」、「揀得正」、「天寶之威」同「十足十」嘅潘頓。

周仲