洪禮賢講馬： 紅跑車踩油

魑魅魍魉

　　第六場三班2200米。「紅跑車」（圖）連續三場上名，來到季尾才呈現上升勢頭，一定比同場大部分跑到殘的對手佔優勢。今次轉到大長途，係就係冇甚根據，但弗字行頭，唔擔心會適應不來。再講，呢對騎練在谷草合作成績真係太堅（4冠4亞1季2負），唔信佢哋，又信邊個好呢！？

　　第七場三班1000米。唔知點解「此時此刻」對上兩場同程，一場蝕得起，一場唔得，當中係涉及體力或是形勢問題，我想，不用太深究，只知初出一役的確幾犀利，全程外叠多走冤枉路，仍然可與「同心威駿」纏鬥一輪，最終輸唔到一個身位，睇嚟六十餘分起步幾着數，呢次檔位好番，有權開齋。