朝早有動靜：葉楚航搏龍武軍

魑魅魍魉

　　葉楚航前次賽事中三元，剛戰又憑「聚好盈」食尾胡，馬房攻勢浪接浪。昨日練者一早到場，相信頭馬陸續有來，當「龍武軍」由馬偉昌快試後，練者立即跟返沙圈接馬，而且騎練密斟良久，鏡頭絕不尋常。這匹當打馬周日出爭1400米，冷味十足。

　　而大摩兩父子在沙圈亦有連環睇馬鏡頭，最緊張一定是新勝的「活力至寶」，牠由白德民試草地時，大摩父子踏單車往閘前監督，然後趕返沙圈接馬，且與騎師在馬格前商議一番，舉動異常積極。

　　七時過後，韋達到場出試方嘉柏馬房之「極品絲綢」，牠勝出打吡大賽後，一直認真備戰，昨日走來相當醒神，周日挑戰一級賽女皇盃，且看能否再度揚威。而廐侶「君子一言」亦見練者親自護送返沙圈，且與柏實在欄邊密斟，動態也非同小可。

韋柏