洪禮賢講馬：雅雪夠晒準

魑魅魍魉

　　第九場三班1400米。「超群如意」出道一直以來都咁準，近期集中火力在此程跑，雖然五場只得一Ｗ，但跑二三名嗰四場之中，其中有三場所負距離加埋都輸唔夠一條馬頸，未再贏只係冇運。而睇番上賽入Ｐ的演繹，基本上唔可以挑剔，搏完一場勁嘅，有番足夠休息期，計馬跑得出水準，唔贏都有Ｐ。

　　第十場一班1400米。「雅雪」其實冇咩好講，總之今季咁多場1400米，只要唔係心律不正嗰場，其餘就冇Ｗ有Ｐ，準到冇人有！而上賽好似仲叻咗，真係教到隻馬留力，沿途咬住二三位，入到直路爆嗰段嘅貫注力幾強。既然本身板斧多一瓣，升穿100分也不會出現太大阻力。