都爾﹕贏啲啲升班照贏

魑魅魍魉

　　【本報訊】都爾剛戰停賽復出，八匹坐騎悉數三甲不入，但今晚他四匹坐騎，其中三匹都在上仗取勝，分別是「贏啲啲」、「鵬力洋洋」及「福到多多」，手執當銳分子，難怪都爾亦表示今晚可以打破近一個月的悶局。

　　都爾自從三月尾贏出「贏啲啲」後，一直守齋。牠上仗谷中一哩後上險勝「華劍寶」，今晚升上四班再戰同程，騎者表示牠正值大勇，有力再下一城。他說﹕「牠是匹遲熟馬，故此之前一直沒有表現。不過今季踏入大熟期，其質素立即展現出來。上仗負頂磅且全程外叠，末段仍然交出強烈追勁掄元，證明在四班也有爭勝實力。今晚升班少負十三磅，加上對手未算太強，我有信心交出好表現。」

福到多多跑法靈活

　　「福到多多」上仗在柏寶胯下後上如箭取勝，雖然今場柏寶揀騎「智友」上陣，但都爾過檔後愛不釋手，他說﹕「雖然我排位朝才接手，不過牠走來勁度十足，狀態大勇。我睇過牠的賽事片段，近仗留到最後，主要是遷就外檔形勢，其實牠過往守好位競逐，亦曾跑入第四名，證明跑法靈活。今晚抽二檔形勢有利，跑法亦十分彈性，加上磅位大幅減輕，深信升班也有一戰之力，我對其機會頗有信心。」

　　「鵬力洋洋」上仗在四班谷草一哩打開勝門，都爾操過後有如此評價﹕「上仗雖然贏得輕鬆，但始終是四班賽事，今晚要加程而且抽十一檔不利，對手亦增強，爭勝機會當然不及上仗樂觀，但負輕磅上陣可以抵銷不利的形勢，我會盡力替牠爭取好成績。」