阿爾及利亞食塞搶W

猪拉多纳

尾輪生死戰非勝不可

在加蓬舉行的非洲國家盃，B組來到最後一輪比賽，焦點之戰肯定係塞內加爾對阿爾及利亞。由非洲足球先生馬列斯孭飛嘅阿爾及利亞，晉級形勢險峻，今仗除咗必須贏波之外，仲要同組突尼西亞輸波，先至有機會出線，幸好對手塞內加爾已穩奪首名出線，或會派副選上陣，留力踢8強淘汰賽，令阿爾及利亞有機可乘，捧客勝。

（TVB 303周二凌晨3時直播）
塞內加爾留力踢8強

塞內加爾2戰2勝，拋離阿爾及利亞及津巴布韋5分，加上對賽成績亦壓過手下敗將突尼西亞，所以肯定取得小組首名出線資格。今仗對塞軍來講，只係例行公事，領隊阿里奧施斯可趁機收起主力休息，備戰淘汰賽，同時畀一班後備兵上陣「熱身」，屆時表現好可能走樣。塞內加爾今仗放軟手腳，或者有欠體育精神，但從爭標角度來睇，卻非常合理。

阿爾及利亞上仗1比2輸畀突尼西亞，積分落後2分之餘，亦輸埋對賽成績，所以阿軍今仗唔只需要贏波全取3分，仲要突尼西亞不敵津巴布韋，先至有望出線。阿爾及利亞冇得揀，最重要係做好自己贏波，再聽天由命。事實上，就算阿爾及利亞出唔到線，都希望打開勝利之門，攞番個尾彩，佢哋近3次對塞內加爾都贏波，可睇高一線，2.3倍作客W值博。
突尼西亞和波都掂吼細

同時間開賽嘅另一場B組煞科戰，突尼西亞今仗只需要打和津巴布韋，就可以出線，應會踢得比較保守。至於津巴布韋實力弱，相信難以對突軍防線構成太大威脅，揀入球細。