泥戰攻略專攻泥地夜宴 梁定華搏贏啲啲

魑魅魍魉

　　【本報資料】今季舉行過兩次泥地夜賽，練馬師梁定華均有馬贏，十一月一次勝出「穿針引線」，三月一次則勝出「贏啲啲」及「穿針引線」起孖，所以今晚季內第三次泥地夜宴一定要吼實此廐馬。

　　華廐今晚有「盈驥」、「將臣三號」、「贏啲啲」、「八發八中」及「金鑽龍華」上陣，明顯有心大舉出擊。頭場四班1200米，「盈驥」過往於四班取得兩W七P，分量十足，雖然今晚初跑泥地，但曾經在泥地試閘放得出色，泥地性能肯定不俗，今晚突然轉跑泥地，好大機會是配合一批廐侶一拼出擊。

　　第二場五班一哩，「將臣三號」自二月上旬同程不敵「煇煌駒」及「金威神童」追入季軍後，一直操而不戰，明顯留有以待，一心等同班同程再披甲。雖然今晚再要面對「煇煌駒」及「金威神童」，但抽三檔，形勢比上仗十三檔好得多，有力反先。

　　另外，第四場「贏啲啲」一連三仗非勝即位，先縮程贏泥地1200米開齋，再於一哩取得一勝一位，可見牠踏入五歲大熟大勇。今晚雖然增程角逐 1800米，但血統顯示必合。因為「贏啲啲」之母Giaconda服役時兩度於2200米跑入位置，長力十足，所以「贏啲啲」必具氣量，加上泥地又合適，有力取得季內第三捷。

八發八中有長力

　　半冷要吼實「八發八中」，雖然來港前在愛爾蘭贏馬，甚至上季在港入Q都是泥地短途1200米，但牠血統上卻是匹不折不扣的中距離馬。其父 Proud Citizen乃2000米肯塔基打吡亞軍，其母Windborne唯一勝仗在1800米獲得，可以肯定「八發八中」有氣量遺傳。牠由上季三班入Q時的 66分，減至目前54分，加上長力有根據，今晚角逐一哩有力將對手一網打盡。