高清睇跑馬：好運得福補中

魑魅魍魉

　　今季總場次507田草四班1800米，「好運得福」排十二檔起步，馬偉昌一條心留前鬥後，出閘後即移入內檔，大半程守在尾二、三位置競跑，轉彎中段加速，並且移出外�巳∥唬�可惜外側有「森林活泉」阻住去路，前面亦有多駒擋住，故此未能望空。

　　入到直路，「好運得福」仍未能望空，馬偉昌決定走入內檔搵位衝刺，但一樣被困，直至過了最後一百米，才可真正望空，最終能追入一席亞軍，表現已算出色。今次苗禮德安排「好運得福」再跑同程，只要陣上際遇好一點，應大有機會贏馬補中。

　　另外，「幸運相架」上仗在總場次526出爭田草四班1400米，雖然是以後備身分補上，但臨場一樣由13倍打到8.9倍開跑，結果飛到馬到，順利贏馬。

　　睇番沿途走勢，「幸運相架」排十檔起步，早段一度與「幸運來」、「飲水思源」鬥搶，費力不少。過了一千米處，此駒才貼欄放出，到最後三百五十米左右展開衝刺，反應不俗，最終以個半身位拋甩「精英財星」贏馬，顯示出極強鬥心。今次「幸運相架」再上陣，雖然再次排外檔，但以其前速必可克服，力足再贏。

Sam