假如我是：人手不足 本地薑得益

魑魅魍魉

　　上周三晚賽事，最後竟然是華籍騎師天下，但實際上只有四位騎師勝出頭馬，圍埋打麻雀，亦只僅僅夠一枱而已。

　　雖然，當晚只有十五位騎師上陣，人手不夠，所以連一向成績平平的，也分到不少坐騎，反而來客串的如杜西奧等，只有三匹坐騎，反映不少馬主及練馬師對新面孔不太接受。個人反而沒所謂，因為跑馬始終是跑馬，換上任何騎師，只要不會太過影響馬匹發揮，不會有太大分別。但小王及健仔兩位，似乎就着重騎師多過馬匹。對於小王我還可以理解，始終他只是小學生程度的馬迷，記馬名也不容易，不如記騎師名，買騎師亦無可厚非，但健仔好歹也是個資深馬迷，更加對海外賽事有點認識，也追捧騎師，實在奇怪。

　　據健仔說，香港幾名前領騎師線路縱橫，常有好馬在手，同場隨時有三幾匹可選，自然能夠騎機會最高的一匹，當然比較其他騎師有利，難聽啲講，是他們幫馬迷選馬。不過，這陣子可能因為騎師太少，只有兩三名大牌騎師，根本已供過於求，因此也有不少超班貨色落到減磅騎師手上。試想想，本已是超班馬，再額外多減幾磅，所以，連場爆冷而本地騎師有好成績，並非偶然。

強駒好分抵買

　　今日騎師一樣不多，既然如此，也不理配搭，隨心選馬。喜歡第七場黃汝安馬房老馬「強駒」，近兩仗又跑近，可見狀態復甦，其實此駒能夠在四班浮沉多年，實力完全不用懷疑，且以往曾數度由薛順強建功，同場又有名氣馬分散注意力，應有一定分頭，是理想的贏位兼投對象。

Andy