賠率有路捉：連戰連勝墊底飛勁

魑魅魍魉

　第四場四班1200米，「連戰連勝」喺香港四戰都未上名，上仗跑同程仲係32倍大冷門，邊有人會估到噚日早飛，呢隻馬居然只得79蚊W，位置都只係得 26蚊，好明顯有人隔晚落定墊底飛。

　    雖然飛數嚟得好突然，不過睇番佢嘅賽績，絕非冇迹可尋，事關前仗佢跑同程排十一檔都放入第六名，距離頭馬只係兩個馬位，今晚排二檔形勢非常好，有機會放到，再配合埋噚日呢注早飛，今晚應該有計，信得過。

緣是燦爛熱到透

　    賠率古怪仲有第二場「緣是燦爛」，呢隻馬今季十四戰連一場位置都冇，沉得好緊要，雖則抽一檔兼由柏寶主轡，但係噚日早飛36蚊W，13蚊P，WP都係大熱，可以話孭起晒成個彩池，根本唔驚「永得勝」及「標青」，試問邊有人咁大信心買落去，睇早飛相信有人知道隻馬今晚會復甦。查隻馬減到58分，比上季兩捷時61及70分都要低，若然順利贏馬，一啲都唔出奇喎。

柏寶再做騎師王

    　騎師王方面，柏寶剛戰一W做騎師王算經典，但睇佢今晚手馬邊止一W咁少，除咗飛勁嘅「緣是燦爛」外，「電訊高星」、「再來風」、「駕馭」「易搏贏」同「包裝猛將」都係實力馬，再加埋邊線坐騎「威威財星」，十幾蚊真係有買趁手。  

周仲