賠率有路捉：危險英駿 隔夜票勁

魑魅魍魉

　　第五場三班2000米長途賽，早飛大熱居然唔係蔡約翰加韋達嘅「印度光輝」，亦唔係上仗走光嘅「大紫荊」，反而落係近績麻麻嘅「危險英駿」身上，熱到得53蚊W，位置更加係1.1倍大熱，可以話孭起晒成個彩池，試問邊有馬迷估計到呢﹖但係睇番隻馬四次跑田草2000米取得一冠一亞，最差兩仗都跑第五，路有專長，呢注早飛明顯有人有把握佢今戰會交出好表現，可以放心買落去。

　　第七場四班1400米，全日最均勢，但睇飛「中國心」信心唔講得笑，早飛熱到得60蚊W，位置亦只有21蚊，以一隻近兩季未贏過嘅腳患馬嚟講，明顯偏熱，呢啲一定唔係公眾飛，絕對信得過。

　　騎師王方面，柏寶只係第三熱門，情況好少見，似乎話你聽開盤手唔睇好佢手馬，相反白德民只得六匹坐騎，居然係五倍次熱門，非常苛刻，亦間接話你知佢機會好突出喇。

周仲