蘇狄雄停賽復出起孖

魑魅魍魉

何廐見習生蘇狄雄早前策騎「大有運」未盡全力，以及「年年開心」犯規，被競賽小組合共罰停賽12日，直到昨日先至期滿復出。雖然久疏戰陣，但蘇狄雄好快企穩陣腳，尋日第二場五班泥地1200米，佢替師傅何良訓練嘅「勁駿」取得在港第二捷，復出即刻贏馬，其後在第七場贏「松風」起孖，大打爭氣波。
       
蘇狄雄停賽十二日復出即刻起孖，大打爭氣波。

「勁駿」今場甫出閘即帶出，就此一放而返，賽後何良指此匹七歲馬季內一直於泥地同程有穩定走勢，上仗谷戰因檔劣才欠表現，今次檔位轉佳且有輕磅之助，終於再響勝鼓向馬主交代。