洪禮賢講馬：旺家多寶惡

魑魅魍魉

　　第9場三班1650米。「旺家多寶」（圖）上場同程唔好彩贏唔到，但只能歸咎於自己引發出來的意外，但另一方面，本身在賽事中又真係進步緊，有本事連續兩場喺冇乜檔位形勢幫手下，返嚟輸唔遠，明顯係叻咗；今場用韋達兼排內檔，整體條件四正。

　　第10場二班1650米。「雄風」前仗贏同程水準唔失禮，雖則締速唔算標青，打低嘅對手唔係冇指標性，因為「旅遊小子」、「勝利雄威」俱於季內贏過三班，佢孭到130磅依然可鍊贏，現階段斷唔會上番二班冇得揮。而上賽之敗則受情緒影響，完全與實力無關；今次回到此程，磅位更輕，假如臨場情緒冇問題，唔會冇得鬥。