洪禮賢講馬：清風送爽掂

魑魅魍魉

　　第六場三班1200米。「清風送爽」（圖）兩仗前已揀過，結果贏得幾輕鬆。之後在兩場1400米皆入Ｐ，但唔算好有代表性，多或少反映現時進度未足以在田草搵食；向現實低頭轉番同程，似乎唔甘心1Ｗ收手，而揀場85分上限三班賽，對手一下子降咗一兩級，形勢大好，呢隻1檔馬唔難喼到佳績。

　　第七場二班1800米。「國中之星」今季搏極未贏，跑了12場只得4Ｐ，由於未交代，總有趕尾班車心態，所以，就算上場以冷門身分入Ｑ，唔擔心今場變熱會走樣。說到底，季內在同程能與「極品絲綢」埋Ｑ，負130磅在此場一定讓得起，只要7檔唔係令佢沿途置身極不利的處境，不難再入圍。