洪禮賢講馬 YIN''''S TALK ：打持久戰要控制成本

魑魅魍魉

　　性格會改變命運，不用深究箇中涉及什麼Q（IQ、EQ或AQ等等），凡事可否沉得住氣，心理質素夠唔夠，係咪經過深思熟慮呢？以上種種都足以影響整件事的發展。

　　入馬場，去賭場，甚至係股票市場，基本上面對嘅處境都冇咩分別，贏谷輸縮，平均注碼，高位追貨／出貨，低位撈底？不論投身哪一個「場」，計算方程式只稍有偏差，純粹視作一大堆數字的話，其實唔覺有咩唔同。至於假如係小注怡情，或是得閒先幫襯，根本唔使用任何論據去擬定策略，隨心而發便可。但若是打持久戰，長期會與賽事對戰，成本控制乃首要一環。

　　係咁意在網上打「成本控制」呢四四個字，會彈出一大堆關於成本控制的方法（costcontrol　method），但投注者不同大企業，不用分出太多成本控制的特性，甚麼固定性、間接性之類，最重要還是把支出控制在一個擬定的金額。這樣一來，一切會變得規律化，不由大家鍾意玩咩彩池就咩池彩，「無啦啦」今日想靠3T發達，使一萬幾千大包圍，明日又覺得Q 過關可博大堆，換來結果除了兩頭唔到岸，注碼過於分散及冇譜，並唔係持久戰的致勝方式。

　　當然，如果有運就不用多講究了，像多年前曾經見過有位馬主Uncle隨便買萬幾蚊3T，又畀佢扑中幾百粒， 不過呢類事例，倒要問問自己，會唔會發生在你身上先？！駱穎豪部落LOK'S BLOG：美猴王前景不妙

　　煞科夜賽之中，共有四個延期頒發的獎項，其中一個較為特別的，當然說的，就是最大進步馬匹獎。

　　結果，當晚的「美猴王」不但不可以力壓對手，取得本季第六場勝利，從而加分成為本季最大進步馬匹，而且更落得三甲不入。結果，這個最大進步獎，就落到本季創造出一季七捷的良駒「盈彩繽紛」身上。

　　而「盈彩繽紛」與「美猴王」，則在上月的新馬短途錦標中相遇，當時賽前被認為是單打獨鬥場合，結果就由「盈彩繽紛」勝出，但最想不到的，就是「美猴王」不是力拼僅敗，而是與第三名的「皇仁勁駒」力拼僅勝，僅可保住一席第二名而已。

　　經此一役後，於周三晚再見「美猴王」上陣，已經威力不再。或者，因為馬兒季內已經多跑，體力用盡。也可能是因為今次終於遇上頂級谷中短途好手，所以敗下陣來，而令我最擔心的，就是這匹早熟馬， 經過一季鋒芒之後，已經實力見底，如過往不少早熟馬，一季大豐收之後沉寂下來。

　　我絕不希望「美猴王」自此就一蹶不振，畢竟此駒是近季另一匹有點傳奇色彩的短途好手，但看到「八運寶」及「孫子奇兵」的下場，你能不心驚嗎？此外，我更加看好「盈彩繽紛」下季向各項大賽進軍的前景，所以更希望牠締造紀錄的一仗，並不是只壓倒一匹實力見盡，且開始退步的對手，那麼名不正及言不順也。

洪禮賢