賽事傳真：易搏贏有麝自然香

魑魅魍魉

　　記得「易搏贏」（圖）初跑谷草1650米入Q，已留下良好印象，雖然之後連跑4場冇Ｐ，但兜兜轉轉再跑同程兩次，結果全勝，而獨贏還有不俗賠率，所以，其時如對牠未失信心，回報挺佳。

　　事實上，該場入Q只負於「開心歡樂」短頭，因排檔不好，早段要留得後，而直路彎又蝕位外叠上，相對頭馬則沿途守好位，形勢靚絕，最終兩駒短距離分勝負，可知「易搏贏」有多厲害。如果睇埋末段造出23秒，既是那場拉士之冠，亦只慢過另一組「金碧亮馬」3線幾，締速也具代表性。

Ray