數據人生：長買韋達W冇着數

猪拉多纳

　　筆者於唞暑期間，已寫過不少騎練上季的搏殺特色，但印象中似乎甚少提到韋達，其實不論唞暑，甚至平時的賽日文章亦甚少提供此子坐騎，因總覺得他乃十屆冠軍騎師，胯下坐騎大多是熱門分子，如花大量篇幅分析，恐怕便有騙取稿費之嫌。

　　現今馬壇上，韋達暫未稱得上是殿堂級人馬，不過能夠直落贏十季自然有一定本事，難道單憑交際手腕便在港隻手遮天？此子在港紮根多年，根本已成本地馬圈的「名牌」，不少練馬師及馬主自然樂意跟他合作，故此成績又怎會差？近季柏寶算是帶給韋達一點壓力，可惜上季中曾在騎師榜一度大幅領先下，結果仍被韋達趕過。

　　在於馬迷立場而言，最緊要是有錢贏，就算誰人做冠軍亦不太重要；以筆者為例，自己便特別喜歡於韋達被罰停賽的日子買W，皆因其坐騎通常偏熱，如上季一百場頭馬中，便有四十八場為3倍及以下，可見長買韋達獨贏必冇肉食，但如放棄其坐騎，又恐防他破壞好事，所以如他缺陣，同日的頭馬賠率相對便不會太過側重。另一方面，根據資料顯示，上季騎師榜前四名好手，看來以潘頓最有投注價值，因為其四十八場頭馬中，只得四場的賠率低於3倍及以下，成績好兼號召力不強，今季不吼多加留意。

歐陽志恆