楝悉先機：皇仁勁駒收割期

港陌

　　上個禮拜三夜賽，現場一路睇跑馬，阿棟真係以為仲唔春天！條纜頭關先贏隻「家橋」，嘩，之後揀嘅「大勇」，比賽頭兩段咬個位靚到呢，而「福喜」轉直路湧上嚟個勢邊有得輸，唉，可惜唔夠氣，一隻跟跟吓自己斷，另一隻衝落係得嗰段力！睇到冇晒符，不過，賽馬這是這樣的！唔抱住玩票性質，邊夠心力同佢鍊過！

　　由於今日天氣都唔會好咗去，形勢唔覺會好正路，亂亂哋嘅賽日，最好就係搵冷嘢嚟博！哼，呢期嗰3件，如果「揩」到其中1隻，10倍8倍一定有，玩吓細W大P，啱晒時候。

　　第三場四班1000草地，「皇仁勁駒」上季明顯未熟，以致陣上演出甚為波動，但有能力迫近「美猴王」，處身四班何其着數，今季再大一歲，進入作戰黃金期；呢匹馬夠速度，初出跑直路賽冇問題，帶返嚟唔奇。

　　第九場三班1400米草地，「黃金褭蹄」隔夜獨贏只得十幾倍，一來，隻馬冇乜邊場跑得特別好，賽績唔算有睇頭，二來，配搭唔係惹飛，但卻有一定支持票數，就知有計仔。另外，據阿棟所知，呢匹馬幕後睇得幾高（外地曾與「清風送爽」構成連贏），由於上季未適應水土，順勢減埋分，目前「質」到個分咁低，根本好着數。而未唞暑前既已轉馬房，冇幾耐安排閹埋，跟手唞一唞就開始做工夫，練者肯成擔心機擺落去，初出可能已爆得。

騰雲駕霧唔怕外檔

　　第十場二班1400米草地，「騰雲駕霧」體質唔係強，隔了一個暑假，有番充裕休息期，好有幫助。而田草1400米對佢嚟講簡直係強項，馬夠快，14檔都唔使怕，地慢更利佢放頭，隨時帶返。

點買法

　　呢期3匹馬都係好有值博率嘅馬，尤其係冇乜賽績根據嘅「黃金褭蹄」，問心嗰句，要博獨贏，第三及第十場嗰兩件比較好。至於「黃金褭蹄」，冇錯， 阿棟今季係對呢隻馬有啲寄望，但唔係實牙實齒肯定係今場，可能要跟三兩場都唔定，呢點值得記存。