我哋開齋喇！！苗禮德贏「馬」打孖嚟

博彩老头

戰至今季第三次賽事，昨午沙田日馬在陰雨中上演，雖然天氣欠佳，卻難掩場內的歡樂氣氛，皆因有不少在首兩次賽事交白卷的練騎，成功打開勝利之門。苗禮德一贏即起孖，姚本輝攞獎沖喜即有馬贏，胡森唔再歎慢板，大摩拍住主帥白德民捧埋盃，甚至近季徘徊下游的華、伍、安廐亦紛紛傳來捷報；騎師方面，洋將馬偉昌、勞愛德、杜利萊，本地薑梁家俊、黎海榮、湯智傑各建一功，齊齊脫離守齋行列。
       
東方駿馬（左）、浪漫添馬一冷一熱，為苗禮德開齋兼起孖。

苗禮德今季首兩戰合共只出過一匹「虎虎生輝」落敗，到昨午布下強陣，馬上取得好成績，頭場憑二十倍冷門「東方駿馬」贏得季內首捷，到第四場以「浪漫添馬」再下一城。「東方駿馬」今場由千六大幅縮程至一千米開齋，奇招奏效，下仗仍會於此程攻堅。苗禮德說：「『東方駿馬』潛質不俗，無理由要淪落至五班，今夏我特登安排牠作較柔的工夫，連大閘亦無試過，希望會有改變，果然在新鮮感搭夠兼且班次有利之下，成功爆冷取勝。雖然『東方駿馬』肯定可以勝任千四及千六，但既然於一千報捷，回升四班我仍會安排牠在直路賽上陣。」
       

為苗廐起孖的「浪漫添馬」，練者盛讚馬偉昌發揮出色。他續說：「今場『浪漫添馬』排大外檔，騎者取位迅速已值一讚，到末段雖然受『濰坊』威脅，依然不慌不忙，留到最後一刻發力輕勝，人馬發揮皆令我滿意，相信升班仍可再捷。」
       
苗禮德
天瞳報捷 安哥估佢唔到

今年為達標而奮鬥的黃汝安，昨日沙田大舉出擊，結果憑第九場「天瞳」搏殺得手。黃汝安賽後說：「今日七匹參戰馬之中，老實講原本認為『天瞳』機會較次，一些本來我認為機會不俗的賽駒紛紛落敗，幸好『天瞳』為我贏馬補數，總算不致空手而回。此駒取勝原因，除了變化場地有幫助之外，最重要是馬兒抖暑後韁口大有改善，牠較以往易操控，加上此駒本身有班底，勝後留在三班作賽，出爭更合腳法的一哩賽事，應有力繼續爭取好成績。」