借題發揮：季初有熱身賽着數 中國好消費王博冷

魑魅魍魉

　　上周日賽事剛剛跑完，陸陸續續有季內熱完身嘅馬勝出或上名，如「瀟洒靚龍」、「肥仔糖」等等，季初階段，有個run點都着數，尤其係嗰批原本已有唔錯狀態嘅馬，一經開氣話嚟就嚟，所以呢期類似嘅馬，點都要留意，可能從中發掘到啲冷門。

　　呢期賽事，梁定華馬房有6駒上陣，其中5駒正正係季內已經跑過一場，斷唔會隻隻熱完身都惡晒，但有三兩駒似乎有出擊嘅迹象，就以一對配備有變動嘅「中國好」及「消費王」為例，初出無故加眼罩，前駒仲轉埋跑法，大敗唔意外，後駒田草並不擅長，名次落後唔奇，跑罷即轉配件及場地，齊齊除眼罩重戴鼻箍，忽然在安排上態度有別，配合今晚此廐的陣式，此兩駒唔見得會再係陪跑格，一對賠率唔會點熱嘅馬，玩吓無妨。

金鑽龍華對手減弱

　　至於「金鑽龍華」，向來唔怕匆匆再出，而剛周日對住超級馬「小橋流水」，入P已交代有餘，隔數日所遇對手唔同晒，爭勝機會相應提高，呢匹熱門必然係呢期馬房重點之一，料會繼續搏。　

Jack