借題發揮：今季個頭開得靚 鄭雨滇勝任有餘

魑魅魍魉

　　不論騎練，開季之初，梗係要頭威頭勢， 如果唔係， 開得個頭唔好，點都有啲影響，除非係蔡神仙呢類馬房，手上兵力一籮籮，根本幾時踩油都得，就算暑假有馬跑，可能佢都有本事係咁贏，但呢啲個案唔多，梗係另作別論！

　　講到近日手風，鄭雨滇的確唔錯，上季早段贏唔少馬，嚟到今季開個頭亦唔錯，快手快腳5期賽事贏咗5W，上周三才中孖寶。順帶一提，佢今季暫時熱門成績幾勁，5匹馬被捧成大熱或次熱門，贏咗4匹咁多！而目前頭馬量拍住阿寶，話晒騎師榜做緊二哥，點都係旺緊。

　　冇錯，佢今期出馬唔多，得嗰5匹馬，但你咪理，有好馬在手就得嘞，騎足10場又如何，件件係豬扒，有咩用先！ 至於佢最有機會贏到嘅馬，不離「大把在手」及「勝任有餘」，預期會係熱門，但勝在穩陣。

大把在手谷戰醒

　　「大把在手」上季轉谷草跑兩場不勝有位，而跑位置嗰場係冇乜形勢，兼且對手實力唔弱，照咁計，再跑高半班都唔怕。而「勝任有餘」有幾勁，上季直落贏3場已經「揚」晒出嚟，做好晒準備先出，擺明要爭跨季四連霸。　

Jack