金石盟專欄：帶旺來出腳勁

港陌

　　昨晨並非主要課期，跳馬寥寥可數， 七時正草地千八米開放供馬匹試跑或彈閘，亦無甚可觀鏡頭。

　　「帶旺來」鄭雨滇在草地彈閘，助手策「多奇妙」相伴，起步齊齊躍出，前駒三扒兩撥便透出四、五個馬位，一直佔盡上風，出腳既快且勁， 走來頗為引人，在進步中；「多奇妙」全程跟跑，未惹好感。

　　「佳同」鄭雨滇在草地彈閘，韋達策「定做」相伴，出閘順利，跑了半程「佳同」已佔先乘多，埋門受到廐侶挑戰，最終以頸位壓住對方而回，休後健康冇問題，腳法比前熟，狀態起得滿意；「定做」推騎下追趕，反應尚好，一切循序漸進。

　　「皇仁勁駒」馬偉昌在草地彈閘，走勢暢順，腳勁稍增，神色轉好，略勝上賽。「田園名駒」韋達試千二米， 助手策「創出傳奇」佔先三、四乘帶放引導，轉入直路雙方距離已縮短， 最後三百米外檔的「田園名駒」穩步上前，結果贏半乘過終點，加速力強，日益成熟。

　　「雄心馬主」副練試四百米，步伐整齊有力，馬身飽滿結實，神態活躍，未見低落。

　　「福將臨門」潘頓試八百米，腳步硬朗，肌肉現線條，體力已復，仍具上名水準。

福至心靈進度理想

　　「福至心靈」梁明偉在草地彈閘，步幅開得闊，上勁起力，進度理想，態況攀升。

　　「俊威威」都爾試八百米， 身壯力強， 情緒比前集中，成熟程度與日俱增。

　　「開心歡笑」黎海榮試四百米， 緊韁扣實， 火力俱足，操養得宜，勇況持續。