都爾最想中國好

魑魅魍魉

　　【本報訊】前梁定華馬房主帥都爾，今季自轉任公司騎師後，雖然暫時只勝出三場頭馬，但幸好仍得到不少練馬師支持，成績仍較上季同期為好。今戰他共策五駒上陣，除三匹來自華廐外，其餘「多奇妙」及「緣是燦爛」則分別來自徐雨石及吳定強馬房；都爾表示幾匹華廐馬只要交出水準，不難取得頭馬。

　　「中國好」在港九戰全負， 但上仗在谷草1200米負於「千兩寶寶」得第四，走勢明顯較開鑼日跑田草同程時進步，今次續爭谷草1200米，都爾說：「此駒上仗首度在谷草列陣，除去眼罩後即有走勢交出，看來牠頗適合於谷草場地角逐。今次再度出戰同程，雖然排十二檔起步，但以其進度隨時可克服檔劣問題，若然早段步速夠快，相信必更合這匹後勁馬發揮。」

日月暉華無懼外檔

　　至於都爾另一匹華廐坐騎「日月暉華」，今仗已是牠季內第四度上陣，而對上三仗表現最好一役，便是在田草1200米負於「香檳王」跑第三；今次轉爭曾得亞軍的谷草1200米，都爾說：「此駒一向較慢熱，需要多跑才能交出好表現。既然上季尾於谷草1200米評55分入Q，目前評分相若可見必具實力爭勝，縱使排十檔亦不能睇小。」

　　此外，都爾兩匹外線坐騎中，騎者頗睇好「多奇妙」，並說：「我曾替牠操過一課， 發覺其狀態不差； 早前我已觀看此駒試大閘的錄影片段， 牠前速不俗兼翻步有力， 顯然已具爭勝水準， 落五班兼排三檔乃有利因素，期望會交出突破表現。」