馬場紅綠燈

港陌

健康藍莓好抵買

　　「健康藍莓」前仗季內初出跑田草1600米，一放到底輕取對手三個多馬位，上仗續配蘇狄雄再跑同程，出閘笨拙對這匹靠放食胡之馬必有影響，最終大熱倒灶跑第十；輸一仗後今次轉爭谷草1800米，隔晚居然是20倍冷門，提防回馬槍。

健少

常山鳳寶賽績堅

　　今晚跑番谷戰，又係一眾中下游馬房出擊時候，其中最睇好告廐「常山鳳寶」，上季尾在谷草1000米連贏兩場，蹄下敗將「千兩寶寶」、「讚賞」今季已先後贏馬，賽績夠晒硬淨，用湯智傑操刀，大有刻意示人以弱之感，小心暗渡陳倉。

阿光

勞愛德期望高升

　　勞愛德上季係大摩殺手之一，騎練仲合作捧過幾隻盃，可惜今季冇乜佳作，似已漸被馬迷淡忘；但係今晚合作「高升」上陣，則肯定要睇實，一來隻馬轉投摩廐後未交代，練者一定會諗計，二來勞愛德難得有支持亦必拼盡，一於WP捧場。

王其