有COVER堪讚賞

猪拉多纳

開工唔小心判斷出錯，隨時遇上工業意外損手爛腳；跑馬唔小心判斷出錯，一樣會損手爛腳，不過受害者唔係騎師本人而已。今季初出即勝之「讚賞」，上仗被捧成一面倒大熱，可惜鞍上人蔡明紹正係判斷錯誤自行搶放，結果跑尾二累街坊，騎者學精咗有cover（遮擋）之重要性，今次香港工業總會五十週年紀念盃當前，如無意外應可贏番場補中。
       
讚賞今季一出即勝，上季亦曾於谷草1200米不敵常山鳳寶獲亞（左圖），轉場不愁適應性。
(1)檔啱晒

蔡明紹：「讚賞」上仗初上二班跑田草千二米，馬兒出閘僅屬普通，因此早段我決定力策坐騎進佔前列位置，可惜錯誤判斷步速形勢，令其耗力甚多，結果無以為繼，表現令人失望。吸收上仗落敗的教訓，我認同讓「讚賞」於有遮擋下競跑威力較大，今次難得抽1檔好位，預計能輕鬆跟守前列有利位置，只要交出前仗贏馬之水準，在此組85分上限的三班賽，可以看高一線。
       
我哋唔止想讚賞……
風雲勇子落班惡

勞愛德：「風雲勇子」上季來港表現平平，今季卻有明顯進步，前仗初出跑二班谷草千二米竟放入亞軍，演出予人驚喜。
       

雖然剛戰轉爭田草僅跑第五，畢竟該組對手甚強，能取得獎金已甚難得。復課後此駒加強砥礪，埋門兩課試草地走勢吸引，今次重返入Ｑ路程，落三班作賽級數佔先，有望敲響勝鼓。
       
勞愛德
駿蹄飛步速要快

潘頓：「駿蹄飛」上仗贏馬姿態的確出色，直路如入無人之境，輕鬆將對手擊敗。不過此駒之所以能夠大勝兩乘許，主要原因是早段有馬鬥燒扯快步速，才讓牠可以充分發揮後勁，因此「駿蹄飛」今仗能否順利再下一城，關鍵在於賽事步速是否夠快，只要再遇相同形勢，續爭三班賽依然惡氣十足。
       
潘頓
鼓浪天風抖完掂

安國倫：雖然我未曾於賽事甚至晨課策騎「鼓浪天風」，但經過細心翻查此駒賽績，發覺牠擅跑新鮮，往往於久休復出時交出好成績，而今仗正好是「鼓浪天風」季內首戰，因此我對牠有一定憧憬。此駒上季跑谷中千二米面對「開心風采」、「活力飛駒」等惡馬亦所負不遠，今次落三班未許輕視。