楝悉先機：智多飛C+3啱晒

魑魅魍魉

　　今期賽事在田草C+3欄上演，以往此賽道不利後上馬乃事實，假如今日間中有雨，正正灑在沙田上空的話，前領馬優勢可能進一步擴大！至於騎師的兵力分布，馬偉昌獲苗禮德大力支持，胯下有四駒來自苗廐，佢手馬固然唔簡單，柏寶實力坐騎也不少，此兩位大騎師今日應該可以作為扶手棍。

　　第三場四班1000米。「魔幻大師」上次初出重飛之下只得第三名，輸在臨場情緒唔安穩，成個胸口都係汗，成隻馬急躁晒，但冇經驗就係冇經驗，冇得好講，所以放到尾莫氣好正常。

　　希望跑過一場，令「魔幻大師」喺作戰情緒方面有改進，而自覺此馬唔似四班留得耐，好快有得贏，就算唔係呢場，下仗都會兌現。

　　第五場四班1800米。「智多飛」剛仗一出閘就打鋼架，即刻搣飛，近乎冇跑過。如果根據前一仗走勢，插班初出已可上名，證明在四班唔係冇分量。

　　「智多飛」本身屬於均速長途馬，跑1800米係起碼路程，在C+3欄更可獲賽道之利，如肯主動守好位，後追那批對手在直路未必可反先。

飛銀動力好鬥志

　　第九場一班1400米。「飛銀動力」上場敗在「福智」蹄下，其實係不明不白，因後駒再出表現普通，所以，那場對手可能是藉場地慢之助而已。今次在一班角逐，負磅減輕，應不怕對手級數增強，既然此馬逢出必拼，用到愛將馬偉昌，更有不勝無歸之感。

陳華棟

點買法

　　今日冇辦法唔鍾意一批跑法比較主動嘅馬，如果落埋雨，叠埋心水唔使點諗後上馬啦！ 「魔幻大師」固然食正呢條水， 所以獨贏實捧佢。

　　買QT都係吼呢場，睇嚟睇去，Q拖「父子兵」及「喜盈門」就夠，買T先至考慮「天賜福星」及「好歌」。