馬場紅綠燈

魑魅魍魉

捉路要捧萬事佳

　　今季「揀得正」及「愛跑得」跑第四後獲加分，再出分別跑第三及贏馬；至於第八場的「萬事佳」亦有相同情況，上仗於直路賽敗於「蓮華生輝」三個半馬位得第四，賽後獲加3分，這次落班兼有「小橋流水」擔飛，當然不可錯過。

健少

加州萬里後勁強

　　東廐「加州萬里」同「福智」今季兩度同場，結果各贏一場，幕後肯定睇得這兩匹馬好高。今次兩駒齊齊出戰第九場樂聲盃，自己較睇好「加州萬里」，上場改用後追跑法，末段居然爆出一段22.26秒贏馬，盡顯過人質素，憑銳氣可添食。

阿光

尊皇騰龍可放到

　　第四場四班1200米，初出嗰三隻冇好感，大冧巴馬又唔鍾意，加上場地可能受天雨影響，都係揀隻放頭馬穩陣。「尊皇騰龍」前季用魯柏軒都三度入Q，上季健康唔妥先冇功績，但今季操得兼呢次用潘頓戰鬥力大增，放到絕對唔奇。

王其