洪禮賢講馬：轉跑谷草 錢照贏

魑魅魍魉

　　第六場一班1650米。「夢幻組合」名義上參加一班賽，其實除咗佢，同場其他馬俱在100分或以下，即係與二班賽無異，論佢嘅卡士，點都會秤先，再講，今場所遇對手係季內最削1回，而此程亦曾勝，條件的確最四正。

　　表面上，此駒今季賽績波動好大，其實係前仗最後200米唔騎，先會拖低了名次，唔計嗰場，其他3場都輸唔遠，好似剛賽1200米，尾段唔係喼唔到速度；復課有大閘有做嘢，計埋距剛賽相隔日數，部署上同去季尾贏同程之前近乎倒模一樣，如果9檔冇太大影響，真係跑得番當時贏馬水準（1.38.79），今場喺末段應該冇對手有本事埋到身。

　　第七場三班1200米。「錢照贏」現時再唔係一味死放，已經肯被約束，唔會一早走晒。至於段段有跑法，其實好啱谷草，仲有運排埋1檔，承受嘅風險再減低啲，只要唔係跑落完全唔合適細場，好大機會由頭放到尾。