楝悉先機：爪皇盛水賽績夠照

魑魅魍魉

　　又到一年一度馬壇盛事，香港國際賽，阿棟睇住呢項賽事，由當年得1場，仲冇乜外國馬嚟，到今時今日，辦到4場咁有國際水平嘅賽事，不得不讚揚馬會喺呢方面嘅付出、目光，以及耐性。喺度，筆者亦唔認老都唔得，眨眨眼，咁就廿年有多，原來有馬跑嘅日子，真係過得好快！

　　第一場三班1200米。「陽明深心」在港初出，挾着外地4戰3W1Q，梗會惹飛，但同場「爪皇盛水」亦唔係善男信女，能夠同「金堡龍華」串Q，而壓倒「靚好聲」，三班唔會冇得贏。由於現時隻馬未完全教得好，跑短途，早段步速快，可能會留得暢順，同埋唔使跟得前，或會有助發揮。何況，此系馬揀得國際賽上陣，梗係想威威。

魔法幻影弗到爆炸

　　第八場一級賽2000米香港盃。揀完1場「魔法幻影」，呢次繼續揀，但唔係因為阿棟長情，或者係謝路寶，只因佢真係勁，班馬房手足話，隻馬弗到爆炸咁滯，級數唔夠外隊撼一件事，講狀態，同場佢係數一數二，如果今場要捧港隊，「魔法幻影」係不二之選。

　　第九場二班1200米。「富高勝」初出只得殿軍，當時係有點失望，但上場又跑得好，縱使係贏得險，能夠挫敗「高點」，仲可拋開「多多寶馬」，水準的確好勁。今仗表面上遇到一批強手， 但細心睇真啲，呢批馬唔少都有缺點，係咪咁惡，睇落未必，所以，重磅嘅佢，仍然有機會再贏。

點買法

　　記憶之中，國際賽連場爆冷，唔係未試過，但唔係呢幾年嘅事，近年擺到明係熱門實力馬天下，要博冷，奉勸唔好揀今日。講到重心Q場合，頭場好似最簡單，「爪皇盛水」拖「陽明深心」及「旺當家」，簡簡單單。W過關，就以頭場射第九場。

陳華棟