高清睇跑馬：先知先覺放到

魑魅魍魉

　　「先知先覺」上季從未試過起用配備，今季在配件上落足心思，首戰立即加眼罩及頭罩，接戰又除去眼罩加交叉鼻箍， 可見積極嘗試，雖然該役包尾冇影甚至欠缺前速，但前仗立即重戴眼罩出戰總場次195谷草五班1000米，配備效果顯著，一如季初首戰交出飛快前速，仲要首次上名殺入冷Q，最難得是該場排12檔起步，出閘之後切入內檔，走了不少冤枉路蝕位唔少。

　　再睇頭馬「齊勝」接戰升班劣勢跑第四，更見該席亞軍唔簡單，上仗走去跑田草，場地不合落敗，但該場繼續交出不俗前速，確認質新馬實力不差，可見前仗入位不是偶一為之。周三回師唯一上名路程決心盡顯，且報名馬中快放馬不多，「先知先覺」有望主宰步速，若然抽好檔倍添勝算。

軍刀遇弱旅

　　「軍刀」上季首兩戰即有好表現，可見潛質不俗，就算之後兩仗冇影，但其中一仗是1600米氣量不及，另一仗大幅縮程跑1000米，落敗有理，加上當時未搵到最佳跑法，季尾三戰都係得個近字。

　　踏入今季專攻短途，演出立即大有進步，初出田草1000米只輸畀大超級馬「小橋流水」，翌仗谷戰1200米輸馬頸跑第三，頭馬「大進」及亞軍「連利福星」均是三班惡馬，「軍刀」試準一切後，大前仗在谷草1000米終於得手。

　　至於近兩戰失拖，前仗劣檔沿途走三叠望空，上仗就半程外叠又遇超快步速，形勢不利。以馬論馬，目前評分必有優勢，周三出戰弱組1000米，此系馬可望繼「軍士」後，再多取一場勝仗，值得追捧。

Sam