楝悉先機：風雲武士跑弗出頭

猪拉多纳

　　白德民近期在沙田賽日成績唔錯，佢其實係騎得之人，搏起馬上嚟，柏寶咁狠勁，有時都唔係佢手腳，而今期呢位摩廐主帥，胯下唔少波士嘅惡馬，隨便數數，計有第四、五、八及十場嘅坐騎！如果今日唔係大搏殺，我真係不敢想像散場嗰班馬友會有點嘅下場！

　　第四場四班1200米。「風雲武士」出道初期被廐中人睇得幾高，跑多三兩場，開始懷疑當初想法，而上場基本上冇任何信心可言，結果爆出大冷腳，嚇一嚇班馬房手足，唔排除係多跑令慢熱馬進入狀態，亦有機會係配件變動原因。總之，今場路程冇變，配件又冇加多或減少，唔應該會走樣，如果真係跑起了狀態，今場可出頭。

幸運多多1600啱晒

　　第五場四班1600米。「幸運多多」跑到近兩仗漸漸有走勢，由於唔係短途馬關係，所以，早期冇表現係好正常。上場增程至1400米，即跑獲殿軍，已知此駒是中程材料，唔係阿棟嚴苛，如果上場蔡仔直路跑得好少少，根本實有位置。今次主帥親征，再加程200米，決心交代。

　　第八場一級賽1600米。阿摩出一對，「軍事攻略」用白德民、「軍事行動」配郭能，會唔會出現聲東擊西伎倆，我就索到唔會嘞，希望到時唔會燒鬚！事實上，前駒在比賽中嘅進度，明顯較同主廐友嚟得好啲，同埋，級數亦勝一籌。當然必先過到１、２兩駒，才有贏面。

點買法

　　一對質新馬「風雲武士」及「幸運多多」，咁啱孖住兩場，買口孖寶就搞掂。至於「軍事攻略」，既然索到係主力所在，冇理由唔掟大錘，W買硬佢。重心連贏場次揀埋第八場，４號揸膽，腳拖兩隻最高分馬，如揀TF冷腳，範圍可以好大，如７、９、１１等。

陳華棟