極品絲語：勁飛寶可食尾胡

猪拉多纳

　　又來到四歲馬系列賽事，今日首先上演經典一哩賽。由經典一哩到三月的打吡大賽，每場賽事均獎金豐厚，馬主們斥巨資買馬，當然希望一嚐贏大賽滋味。

　　不過要贏大賽，總要講運，任你的馬匹如何有質素，但時機不至亦莫可奈何。南華班主羅傑承今季引入「軍事行動」、「軍事攻略」兩駒，全部皆以打吡作為終極目標，前駒在外地跑慣長途；後駒則向來以一哩最合腳法。不過，今次欣逢「天久」及「小橋流水」兩匹惡馬，能否贏大賽也屬未知之數。

大摩強陣出擊

　　大賽日摩廐強陣而臨，贏馬可以預期。目前練馬師榜競爭激烈，方嘉柏剛戰中三元手風順，但今次只出馬兩匹，稍為失色，反而大摩精英盡出，必求擴大領先優勢。今次較看好「威皇鷹」，上季初出小試牛刀已得殿軍，其後受傷唞至去年九月尾才復課，備戰循序漸進。今次同場對手不算強，必趁機出擊。配腳首選「戰士」，上次紀仁安「老襯」於直路塞死，今次換人再來，可與前駒一Q歸來。

　　另外，尾場「甜將」、「勁飛寶」一對歡喜冤家再次狹路相逢，由三班鬥到二班，相信仍有激鬥，單Q可捧場；頭馬則較看好「勁飛寶」。

　　股市方面，預期會出現的回吐在上星期尾終於出現，相信今周尚會有下調空間，有力下試23,200支持位。推介大家留意恒安國際（1044），這間從事個人護理產品的龍頭公司，不太受大市方向影響，現價比高位回落頗多，值得留意。


珊翠絲
有線賽馬節目主持