內圈探索：快人快語有暗火

魑魅魍魉

　　告東尼馬房剛戰憑「快利多」、「加州財子」及「加州萬里」中三元，搏殺手風大順，今晚谷戰此廐亦有多匹實力馬列陣，看來攻勢停不了，當中以「龍船快」與「快人快語」兩駒最具惡氣，均交由愛徒蔡明紹執韁，值得睇好。

　　出爭頭場四班1000米的「龍船快」，前仗在蔡明紹胯下跑同程，結果大熱倒灶，賽後被發現氣管有痰，敗不足據。相隔一個月後，上仗再戰此程後上入位，僅以個多馬位不敵頭馬「尊皇騰龍」屈居季軍，反映出其窄場性能不俗。拼後此駒立即復課備戰，快試走來身輕好火，埋門踱步狀態亦對辦，今回再戰谷草 1000米途程理想，有埋三檔幫手，看來輪到擔正。

　　列陣第八場二班1650米的「快人快語」，上仗在巫斯義胯下角逐谷草1800米，全程走三叠望空，轉彎踩油蝕盡腳程，最終能保住一席第三已算本事。

　　復課後「快人快語」續做工夫，日前快試步大有勁，埋門踱步暗火湧現，狀態保持勇銳。今仗此駒回師勝途谷草一哩，排一檔起步預料可沿途慳位，形勢反客為主，有力一雪前恥。

家明