賠率有路捉：威力高隔晚齋買W

港陌

　　今晚八場全泥宴，噚日晏晝除咗第一場「綠駿群英」同第六場「星運俊爵」喺未跑過泥地賽嘅情況下做大熱外，其他熱門都喺呢個場地畀過走勢你睇，究竟可唔可以憑質素搭夠？

　　講到W賠率，真正吸引到筆者嘅係第四場「威力高」，呢隻馬最奇嘅地方係位置好分過獨贏，W得6倍，P竟然有6.2倍，照道理計，可能係唔跑第一就三甲不入嘅格局，留意番佢近三次嘅最後賠率，上次初跑泥地有99倍，前兩場喺草地一次有28倍，一次有38倍。今次突然有飛，應該同佢喺蘇狄雄胯下初跑泥地1200米近，加上韋達肯騎有關，唔通今次增程跑四班一係唔嚟料，一嚟就要整個冠軍？一於博佢W。

蔡明紹有師父撐

　　騎師王方面，韋達同蔡明紹喺賠率上做咗兩頭馬車，31.5蚊對韋達來講算冷，唔似掂，反觀蔡明紹有27.5蚊，應該有啲嘢。睇番佢手馬，師父告東尼為佢準備咗六匹馬，當中三匹上次贏完，有買襯早啦，唔係晏啲仲熱。

周仲