金石盟專欄：洪福齊來勁力貫注

魑魅魍魉

　　昨晨跳馬此起彼落，約五十匹有賽程馬出試，以方、呂、賀、葉、東廐為主，不乏睇頭。

　　「洪福齊來」柏寶試八百米，全程搶住走，神生火旺，勁力貫注，愈戰愈勇。

　　「魔幻大師」助手試八百米，步伐整齊，過直路從容淡定，朝氣蓬勃，靚過上賽。

　　「勁贏晒」柏寶、「愛心大使」副練聯袂試千二米，前駒落後多跟隨，電算機前才獲准展步上前，以半乘左右見負，並非力有不逮，而係拉實示人以弱的伎倆，身壯力強，成熟程度邁進。

果敢決斷體健神清

　　「果敢決斷」助手試千二米，按韁慢跑，姿態從容，體健神清，予人印象不俗。

　　「庭園華座」助手在草地試千二米，灑開大步走，直路上順勢收慢，精神奕奕，續有進展。

　　「百威勝」助手在草地試八百米，出腳兇悍，過直路饒富氣勢，活力十足，狀態起得滿意。

　　「永順益」助手、「自由好」馬偉昌相偕試八百米，前駒佔先乘多帶放，後駒亦步亦趨，直路上均加快步伐，外檔的「自由好」三扒兩撥便壓住廐侶半乘而回，步伐雄健，神采奕奕，勇況持續有餘；「永順益」馬性乖巧，惟上力平平，進度未如理想。

　　「真慷慨」韋達試八百米，助手策「鳴雷」佔先乘多帶放引導，最後一程仍見「真慷慨」被拉實，從未上前挑戰過，落後一乘過終點，腳法頗熟，收身恰好，及時催起。

　　「俊威威」助手試千二米，動作靈活，走來一氣呵成，馬身紮實，一切對辦。

　　「風雲武士」白德民試八百米，步幅開得闊，走勢矯健，觀感上未見不妥，仍具作戰水準。

　　「佳景良駒」韋達試八百米，四蹄揮灑自如，身輕似燕，雙目有神采，大熟大勇。

　　「最著數」馬偉昌試八百米，貼欄疾馳，出腳暢順有力，身形現線條，進步良多。

　　「軍事攻略」白德民試千二米，以勁勢撲過終點，步活勁雄，狀態有增無減。

　　「財源來」鄭雨滇試千二米，走來快慢隨意，出腳挺勁，活力充沛，漸入佳境。

　　「盈嘉飛駒」助手試八百米，四蹄盡展，勁力均勻，肌肉結實，已係季內最好一次。

　　「快達小子」勞愛德試八百米，腳步爽朗，過直路神閒氣定，新勝猶勇。