雷勁論戰:新力飛路有專長

魑魅魍魉

　　大摩與告東尼近日鬥得如火如荼，今日女皇盃大賽日，兩大倉口均有不少惡馬列陣，隨時又連番埋身肉搏。摩廐方面，消息傳出列陣第四場三班1200米的「新力飛」甚具留意價值，此駒以往三戰同程取得一冠一亞一第五（見表），全部有獎金收，反映路有專長。上仗轉爭泥地賽落敗，純粹場地不合發揮所致，毋須太過介懷，今番回師強項路程上陣，應該會有不同演出，可作為重心看待。

滿綵試準出頭

　　至於東廐方面，馬房中人指出爭第七場一班1600米的「滿綵」值得睇好，上仗跑同程因排在外檔關係，全程走外叠蝕位，但最終仍跑回一席接近的第五名，僅輸給頭馬「卡達聖」個多馬位，已經試準走勢，今番再來狀態更靚，留力衝一段，可在此打開勝門。

　　另外，蘇保羅馬房至今已取得11場頭馬，尚欠兩場便達標，今日此馬房亦有實力馬在陣，戰意毋須懷疑。其中第九場的「精奇」便值得留意，上仗在田草1600米贏來似難實易，今次升上三班再跑同程，負磅較上仗輕12磅之多，對牠有莫大幫助。

　　早前「精奇」曾由潘頓試過一課，騎者試後亦大讚牠狀態出色，雖然今仗抽得12檔起步，但此駒跑法頗機動，預計影響應該不大，憑當起之銳可再下一城。

　　同場對手之中，最大勁敵應是摩廐「勝利駿駒」，質新馬潛力尚未見盡，上仗跑嫌短的1400米亦能後上跑入一席第四，可見後追力甚強，今番增程至 1600米應可盡展所長，未作交代之馬戰意鮮明，有一定威脅。此外，「快利多」季內兩勝同程，上仗因氣管有血才敗，今次唞夠上陣，亦有一爭之力。