紅鑽鬥櫻花係時候反彈

猪拉多纳

15/05/2011
文： ComboKing

周日下午繼續有日職舉行，率先同大家研究係浦和紅鑽主場對大阪櫻花。浦和紅鑽近況都幾差，連續三場輸波兼只得一個入球。不過唔好咁快睇小佢哋，今場隨時畀到驚喜大家。主W接近２倍唔算低，值得捧場。（周日下午２時開賽）




浦和紅鑽近三場輸波又輸盤。但要留意大阪櫻花聯賽亦係未贏過，數字仲衰過浦和紅鑽。而且大阪櫻花最近要應付亞冠盃，舟車勞頓之下必然影響到球員體力，作客環境下都幾難對主隊構成威脅。另外雙方近四次對賽大阪櫻花都輸波，以大阪櫻花喺日職嘅演出，今次都好難打破呢個不利數據。


馬模讓得起奧雷布洛


瑞典超方面，由馬模主場對奧雷布洛。今季馬模演出唔差，除咗積分榜排行前列外，剛啱又喺瑞典盃以四比○大炒低組別球隊索特拿。馬模已打起信心，阿King覺得呢支名牌球隊好值得大家繼續追捧。對手奧雷布洛質素有限，加上近三次對賽都以○比三不敵馬模。更「可怕」係奧雷布洛自從○三年之後喺聯賽就未贏過馬模，對賽往績處於極度下風。軍情方面，奧雷布洛有謝斯小腿受傷，夏達胃部不適而未能上陣。今場客軍都有幾多缺點，「讓球主勝」可謂信心之選。




最後馬德里體育會主場對靴高斯，可取波膽主隊贏二比一。馬體會進攻球員質素高，科蘭、阿古路、雷恩斯近期都有貨交，要贏靴高斯唔係問題。而靴高斯近幾場作客都有入波，今場都有機會撕破主隊大門。再以雙方近期賽果去推斷，呢個二比一波膽開出機會唔低。