彼德堡大反擊得米

猪拉多纳

19/05/2011
文： 蘇豪

英格蘭甲組升班附加賽次回合，彼德堡主場對米爾頓凱恩斯，首回合彼德堡作客先輸二比三，今次返到主場將全力反擊，球隊今季聯賽主場大盤率高達九成六，再追大！ （周五凌晨２時45分開賽）




首回合彼德堡作客憑馬卡爾史密夫先開紀錄，此子今季累積三十五個士哥。不過，球隊換邊後防線多甩漏，結果連失三球，雖然由格蘭麥肯於尾段射入十二碼，但仍以二比三落敗。雙方首戰踢得肉緊，彼德堡守將查理李爾下半場中段被逐，米爾頓凱恩斯亦有中場基利臣於尾段領紅，兩人今仗都要坐波監。


主場大盤九成六


彼德堡今季聯賽主場廿三戰取得十五勝五和三負，而且入六十九球失四十球，得、失球數字同樣冠絕英甲，反映球隊攻強守弱，踢法進取。翻查數據，大軍聯賽主場廿三戰開出廿二「大」一「細」，大盤比率高達九成六，真係誇張到不得了。今次生死戰彼德堡冇得保留，預期會同米爾頓凱恩斯合演入球騷，捧1.54倍入球大最穩。