西甲煞科吼蘇斯達半場和

港陌

21/05/2011
文： 法比嘉輝

周日凌晨西甲煞科，由於前四位置、歐霸盃資格都定晒，所以煞科日焦點落晒喺護級戰身上。今季只要取得四十五分就能夠上岸，但馬略卡、皇家蘇斯達、奧沙辛拿、基達菲、拉科魯尼亞及薩拉戈薩都未達標，所以將有一隊要陪靴高斯及艾美利亞降落乙組，個人認為會係蘇斯達或基達菲。兩軍在煞科日生死戰碰頭，加輝揀「半場和」。（now 633周日凌晨4時直播）




加輝之所以覺得蘇斯達同基達菲最大機會「死」，係因為其他護級部隊在煞科日，都遇上可踢風流波嘅對手，自然較為易踢，只要自己生生性性贏波，就可以護級成功。其中馬略卡及奧沙辛拿，更加和波都夠分上岸，因此最關鍵一戰，肯定落於蘇斯達對基達菲。


基達菲睇定至郁手


蘇斯達形勢較好，今場除擁主場之利外，最關鍵係佢哋和波都得，反觀基達菲贏唔到嘅話，就要寄望其他球隊失分。正所謂你急我唔急，蘇斯達今場好大機會行「求和政策」，守住一分上岸，上半場應該唔會搶攻。




至於基達菲，雖然佢哋贏波就能護級，但其實一分對佢哋嚟講都好重要，事關只要同時開波嘅薩拉戈薩或拉科失分、馬略卡或奧沙辛拿輸波嘅話，是但出現一個戰果，基達菲和波都能上岸，所以加輝認為，基達菲上半場都唔會輕舉妄動，有乜依郁下半場先攻都未遲，因此今場捧「半場和」。