地頭龍奧沙狙擊「潛艇」

港陌

21/05/2011


同皇蘇、馬略卡一樣，奧沙辛拿今晚主場對維拉利爾和波就夠分上岸，不過考慮到奧沙主場超勁，面對有主力停賽嘅「黃色潛艇」，1.72倍主勝值得睇高一線！


主勝率50%交足貨


奧沙辛拿上場雖然喺護級大戰不敵基達菲，但話晒作客，絕對係非戰之罪。事實上，奧沙未鬥基達菲前錄得3連勝，氣勢唔錯，更何況奧沙出名係地頭龍，勝率達50%，算係唔錯啦！反之維拉利爾已篤定第4，中場主力卡尼停賽不特止，嚟緊佢哋又要嚟香港踢表演賽，合約講明羅斯仔等6名主力都要隨隊，否則要減戲金，今仗未必出盡全力，信唔過架！