英乙附加賽入波唔會多

港陌

28/05/2011
文： Combo King

歐聯決賽萬眾矚目，其實今晚仲有另一場決賽，英乙升班附加賽決賽將於奧脫福球場舉行，由史提芬納治鬥托基聯。今場勝方來季就可升上英甲，雙方都會踢得謹慎，而兩軍上圈四強兩回合共四場賽事入面，都未失過波，今場入波唔會多，捧細盤。 （now 638周六晚10時直播）


史提芬納治托基聯鬥穩陣


史提芬納治及托基聯，於聯賽分別以第六及第七名過終點，前者四強淘汰阿克寧頓，兩回合分別贏二比○同一比○；後者則搞掂梳士貝利，首回合贏二比○，次回合則互交白卷。呢兩隊波防守一流，近三次對賽全數開細，而且決賽場合更加唔敢輕舉妄動，故最後可能悶和九十分鐘，所以吼細盤係最佳選擇。


明尼路唔赦艾華爾


巴甲方面亦有好嘢，艾華爾主場對明尼路，捧「讓球客勝」。艾華爾於聯賽開鑼戰慘吞法林明高四蛋，而上仗鬥華斯高亦輸○比二，球隊明顯不在狀態，鋒力曳難讓波。明尼路近三次去到艾華爾地頭都唔使輸，受讓好路。另一戰山度士作客保地花高，球隊近期大打防守足球，近十場九次開細，而近五場對賽亦得一次開大，捧細盤。