斯洛伐克上位有道

港陌

04/06/2011
文： Combo King

周末繼續上演國際賽，歐國盃外圍賽B組斯洛伐克主場迎戰安道爾，目前B組形勢緊湊，經過首循環對戰後，三甲球隊愛爾蘭、俄羅斯及斯洛伐克同得十分，首名晉級資格有排爭。今場斯洛伐克欣逢大魚腩安道爾，當然機不可失求盡數，「讓球主客和」雖讓到三球，阿King仍睇好「讓球主勝」！ （周日凌晨2時15分開賽）




斯洛伐克水平不斷上升，去年喺南非世盃決賽周都有唔錯演出，亦不乏國腳効力頂級球隊，包括利物浦守衞史卡迪爾及拿玻里中場咸錫，質素一定高過安道爾。首循環斯洛伐克作客僅以一球小勝安道爾，該役略有輕敵，今次回師主場作賽，應不敢再怠慢。安道爾過去五場分組賽全負共失十二球，賽績上難與斯洛伐克抗衡。


拉脫維亞捱「細」界


另外，拉脫維亞主場對以色列，細盤值得留意。拉脫維亞實力有限，五場分組賽只得一勝，攻力不足係最大缺點，而以色列作客又唔多掂，相信好難大交收。最後希臘主場對馬爾他，「讓球主勝」應該冇走雞，希臘近四次主場對馬爾他都以兩球或以上差距取勝，往績佔優值得再追。