英格蘭靠兩大鐵衞保住個細

港陌

04/06/2011
文： 吉拿甸奴

英格蘭喺歐國盃G組主場對瑞士，唔似大手交易，呢場波喺溫布萊上演，氣氛本應好熾熱，可惜今仗英格蘭王牌朗尼停賽，一對最強中堅「鐵衞」里奧同泰利又冇晒心病，聯手保住個「細」，加上瑞士射手阿歷山大費爾退出國家隊，兩軍好有機會上演一場悶戰，1.9倍入球細抵捧。（now671台及廣東體育周六晚11:45直播）




朗尼坐波監，英格蘭前線得番戴倫賓特、迪科爾、高治同森莫亞可以揀，一般估計，卡比路會派狀態相對好啲嘅戴倫賓特打單箭頭，咁嘅情況想入得多都唔得，加上英超收咧，成班球星諗緊去邊度假喪玩，落到場唔似會特別搏命，否則唔小心整親隨時連玩都冇得玩，買細好過買大。


三獅兵小勝都排榜首


再講，曾經同領隊卡比路不和嘅中堅里奧費迪南，據講已經放低成見破冰，里奧家陣同泰利重組雙中堅，加上新門神Icon赫特把守最後一關，依照英格蘭喺分組賽4戰只失1球嘅防守力，絕對唔易咬得入，現時英格蘭同黑山同得10分，對賽平手，但得失球有壓倒性優勢，今場贏波就可以繼續排榜首，既然球員等緊放假，應該會踢穩陣波完成搶分任務算數，大炒機會唔高。


瑞士煞食雙箭齊退役


瑞士近年最煞食嘅雙箭頭阿歷山大費爾同馬高史達拿，因為不滿被傳媒同球迷質疑，最近分別宣布退出國家隊，教頭希斯菲特得番利華古遜前鋒戴迪約克可以倚重，冇人到連蘇黎世20歲新仔美密迪都可能打正選，假如攻唔入英格蘭，呢場入球細就好難走得甩。


英格蘭分組賽失1球


‧分組賽4戰有3場保持清白，只失1球。




‧近7場有5次開入球雙。

瑞士連開2口0:0

‧近5場未試過半場落後，2次領先、3次打和。

‧連續2場開0:0波膽。