秘魯捷克殘陣冇攻「細」

港陌

04/06/2011


今日晏晝麒麟盃上演第二輪分組賽，秘魯會喺日本長野火併捷克。雖然秘魯日前對日本保持不失，但今日對住陣容不整嘅捷克，根本互無優勢，1.65倍入球細要捧！


捷克路斯基巴路士落選


秘魯日前喺麒麟盃首場分組賽作客東道主日本，雖然最後成功逼和對手0:0，但睇得出佢哋冇咗雲達不來梅前鋒比沙路、漢堡箭頭荷西古里路同費倫天拿翼鋒祖安華加斯，單靠史浩克04翼鋒法芬喺前線孤軍作戰，根本冇作為，睇怕今日都係要繼續踢穩守突擊。




對家捷克近況只係一般，今次去日本人腳亦唔完整，隊長路斯基、射手巴路士、中場柏拉斯都落選，取而代之係6位新丁同一班邊緣國腳，好彩後防仲有門將施治把關，雖然佢今季喺車路士表現唔太突出，但勝在經驗豐富，對住秘魯一班二打六仍然綽綽有餘。既然兩隊都係攻弱守強格，敲細好合理啫！