烏克蘭細盤有辦法

猪拉多纳

06/06/2011
文： 笛子波童

周二凌晨有場國際熱身賽烏克蘭主場對法國，兩軍今場志在練兵，勝負只屬其次，比較下烏克蘭唔使應付歐國盃外圍賽，應會更加珍惜每次試陣機會，不過法國近八場國際賽不敗狀態穩定，今場建議捧細盤。（周二凌晨3時開賽）


法國兵厭戰鬥心低


法國喺今次國際賽檔期一共出戰三場比賽，主菜係上場歐國盃外圍賽對白俄羅斯，結果作客跟對手踢成一比一，保持榜首四分領先優勢，所以今晚一仗及周五凌晨對波蘭對佢哋嚟講只係風流波，勝負根本唔太重要。經過漫長球季，唔少球員喺早一輪國際賽已經開始有疲態，爭勝心難免打折扣。




烏克蘭身為明夏歐國盃主辦國之一，唔使應付外圍賽，故此會更加珍惜練兵機會，一眾主力舒夫真高、米列夫基斯、禾路連及泰摩斯卓克都有份入選，可以最佳人腳應戰，不過佢哋早前於熱身賽面對強隊意大利、巴西都輸波，整體實力和一線球隊似乎有距離。法國心態上雖然輸蝕，但勝在靠質素及狀態搭夠，佢哋連續八場國際賽不敗，當中七場開細，六場保持冇失波，今場最穩陣係捧1.62倍入球細。