阿爾巴尼亞硬淨有冷味

魑魅魍魉

07/06/2011
文： SAMVO肥叔

今晚又有多場國際熱身賽上演，踢埋今輪之後，好多球員都會放暑假，假日情緒爆燈，加上搏咗成季身心俱疲，稍為鬆懈亦係人之常情，所以各位讀者真係要小心，唔好盲目支持名牌球隊。今日畀場冷嘢大家，就係阿爾巴尼亞，呢隊波近年進步神速，今場絕對頂得住波斯尼亞！（周三凌晨2時15分開賽）




阿爾巴尼亞一向被視為歐洲三、四線球隊，但近年成績好似直升機咁上升，世界排名由最低潮嘅一百二十四位，升到目前嘅歷史新高位五十位，睇番佢哋喺歐國盃外圍賽D組嘅形勢，阿爾巴尼亞係除咗法國之外，失分最少嘅球隊，連白俄羅斯、羅馬尼亞同今場對手波斯尼亞失分都多過佢哋，你話今仗主場嘅波斯尼亞，點讓得佢哋球半先得o架！




其實今時今日，歐洲已經冇所謂嘅魚腩部隊，因為就算一啲傳統弱隊，都有球員出國到高水平嘅聯賽搵食，令各隊實力接近咗好多，波斯尼亞因為名氣較大，今場先至讓得咁多，但講到實力，兩隊其實差唔多，今場一於捧下盤。


熱身賽澳洲好守「細」


熱身賽方面，澳洲主場對塞爾維亞睇好細盤，塞爾維亞上場輸畀南韓，擺到明係備戰態度唔夠積極，加上今次人腳唔完整，今場唔輸都有交代，好大機會開細盤。




至於美洲金盃，大家要小心行事，好似尋日墨西哥對薩爾瓦多，大戶買重下盤，上半場○比○個盤仲鬼咁硬淨，結果最後開上盤，所以各位都係睇定啲至出手啦！