二線鬥牛兵讓唔起委內瑞拉

魑魅魍魉

07/06/2011


世盃冠軍西班牙啱啱砌低完美國，聽朝就會再作客委內瑞拉踢熱身賽，咪以為鬥牛兵團質高就贏梗，查實佢哋領隊迪保斯基話明今仗會玩輪換，加上委內瑞拉嘅高原環境唔易捱，西班牙要讓波好牙煙，2.82倍「讓球主勝」值捧！（開賽時間：周三清晨5:00）


「廢托」孭飛好難有波入


咪以為足球強國出征一定有着數，阿根廷踢熱身賽連輸2場，有辦你睇o架啦！西班牙上仗作客美國大勝4:0睇落正氣，但迪保斯基話明今次美洲之行志在團結軍心，戰績唔係最重要，佢仲話今仗會用番狀態麻麻嘅「廢托」拍住尼格度喺前線攻堅，想入波都難，其餘位置就會起用諸如伊拉奧拿、馬真拿同捷西斯拿華斯等二線國腳，贏唔贏到波真係難講。




相反，委內瑞拉視今場熱身賽為美洲國家盃最後閱兵，球員梗會落力。全場4萬波飛早已售罄，除咗係睇世界冠軍做Show，當然都係為主隊打氣。雖則話佢哋個主力射手荷西朗頓因傷缺陣，但主場嘅高原效應唔易頂，要班嚟遊埠嘅鬥牛兵同你搏命？咪玩啦！




TUE 二（14）




委內瑞拉 Vs 西班牙