澳洲唔使飛食塞話咁易

魑魅魍魉

07/06/2011
文： 自由恒

平時成日擔心要兼顧歐洲賽嘅球隊舟車勞頓，但查實佢哋來來去去都喺歐洲活動，只要唔係飛到東歐，都唔算好攞命，但睇番今日嘅國際賽戲碼，唔少都係挑戰人類極限，跨越洲份踢熱身賽，真係未踢先殘，以下有幾個極端例子：




（二）1 澳洲 Vs 塞爾維亞：塞爾維亞上周五作客南韓後，由北往南到與南韓同屬亞洲足協嘅澳洲，但地理上就由亞洲去到大洋洲。




（二）3 南韓 Vs 加納：加納上周五喺主場踢完非國盃外圍賽，為咗掘金，由非洲飛到去東北亞又點話。




（二）18 厄瓜多爾 Vs 希臘：希臘周日凌晨先喺主場鬥完馬爾他，3日後就去到中立場美國踢友賽。對手厄瓜多爾雖然都要由加拿大多倫多轉飛紐約，但點都冇咁攞命。




（二）19 巴西 Vs 羅馬尼亞：羅馬尼亞踢完歐國盃外圍賽之後，跨越大西洋飛到巴西，目的就係為見證朗拿度退休。


塞爾維亞殘陣遊埠


以上4支主隊都係以逸待勞，着數到暈，但要揀一隊捧，我就揀澳洲喇，事關塞爾維亞個陣真係殘得好緊要，你噏得出嘅主力，好似尼曼查維迪、伊雲洛域、米蘭祖雲奴域同埋施積都冇隨隊，得番隊長史坦高域，你話點頂？