國體會態沉飛勁要跟

猪拉多纳

12/06/2011
文： 拆彈部隊

歐洲大部分聯賽都抖緊暑，大家注意力當然搬到去美洲當中。而本周巴甲國際體育會主場對彭美拉斯值得留意。近期國際體育會表現都幾差，尤其主場賽事已連續四次未贏過。但今輪面對積分榜前列球隊彭美拉斯，國際體育會「齋Ｗ」熱到只有1.65倍。睇飛數今場主隊唔簡單，主Ｗ值得留意。（周一凌晨3時開賽）




國際體育會開咧至今僅取一勝，演出的確未如理想。不過上周以四比二打敗阿美利加明尼路後，對於球員士氣必有幫助。另外係教練科高，呢位前「羅馬大帝」自從九四年執教過日本國家隊之後已有十幾年未教過波，故此剛仗勝利對佢嚟講可謂相當重要，起碼球迷以及高層都對佢今次重返球隊執教有番信心。


主場恰慣彭美拉斯


現時國際體育會充滿住一股正能量，預計幾位孭飛球員包括上季南美足球先生迪阿歷辛度、前鋒卡雲拿基及施羅拔圖都會有更進一步演出。再加上國際體育會近六次主場對彭美拉斯取得四勝兩和佳績，今場再贏有乜出奇。彭美拉斯作客演出較曳，近兩次作客唔單只贏唔到，巴西盃八強首回合仲以○比六輸波。彭美拉斯今場有暗湧，唔好因好分頭就盲目追捧。